.png)
Anëtari i BE-së dhe NATO-s, Lituania lajmëroi të enjten se ka shpallur gjendjen e jashtëzakonshme pas sulmit ajror dhe tokësor të ushtrisë ruse në Ukrainë.
Lituania, një ish-republikë e vogël sovjetike me 2.8 milionë banorë, ndan kufijtë me Rusinë dhe Bjellorusinë.
“Sot unë do të nënshkruaj një dekret për vendosjen e gjendjes së jashtëzakonshme,” tha më herët presidenti lituanez Gitanas Nauseda pas një takimi të këshillit kombëtar të mbrojtjes, duke shtuar se Lituania do të kërkonte aktivizimin e nenit 4 të NATO-s, i cili parashikon konsultime urgjente nëse një anëtar i aleancës ndihet i kërcënuar.
Ndërkohë Kaja Kallas, kryeministrja e Estonisë, e cila kufizohet me Rusinë, i tha BBC News “ne do ta ndihmojmë Ukrainën me të gjitha mjetet që mundemi”, duke përfshirë mbështetjen politike dhe duke dërguar armë.
Kallas thotë se “duhet të bëjmë gjithçka në nivel BE dhe NATO që ky agresion të mos zgjerohet”.
Ajo ka këshilluar estonezët të qëndrojnë të qetë dhe thotë se aktualisht nuk ka asnjë kërcënim në kufijtë e Estonisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje