.png)
E zënë me marrëveshjen e sapo arritur të Brexit, BE-ja dështoi sërish sot t’i jepte Shqipërisë dhe Maqedonisë Veriore një datë për negociatat e anëtarësimit në BE.
Në një përpjekje të fundit për të arritur një marrëveshje mbi këtë çështje, mes shpresës së venitur, Këshilli i BE-së e hoqi çështjen e zgjerimit rendi i ditës në seancën e fundit të këshillit të së Premtes.
Tavolina e rrumbullakët në Bruksel që ndër të tjera do t’i kushtohet zgjerimit fillon në 9.30 të mëngjesit, pas së cilës Komisioni pritet të shpallë konkluzionet e tij në një konferencë për shtyp.
Por, duke pasur parasysh kundërshtimin e Francës, të enjten në mbrëmje Presidenti i Këshillit Europian Donald Tusk e hoqi vendimin për negociatat nga rendi i ditës.
“Unë bëra gjithçka që munda për të mbështetur Maqedoninë e Veriut dhe Shqipërinë, por kemi disa anëtarë që janë skeptik për hapjen e bisedimeve të pranimit,” tha Tusk për “Telma TV”.
Sinjalet që kanë ardhur nga Brukseli ditën e sotme ishin tejet pesimiste.
Duke folur në Bundestag të enjten në mëngjes, Kancelarja gjermane Angela Merkel i bëri thirrje Evropës që “të mbajë premtimin e saj” në Maqedoninë e Veriut dhe Shqipërinë dhe të dërgojë sinjal se janë në rrugën e duhur për t’u bërë pjesë e klubit Evropian.
Por Merkel paralajmëroi që shanset që liderët e BE-së të linin mënjanë dallimet e tyre në samit ishin të pakta. Merkel foli pas takimit të së Mërkurës me Presidentin Francez Emmanuel Macron, ku raportohet se ajo u përpoq të zbuste kundërshtimin e tij për zgjerimin.
Pas takimit me Komisionerin e Zgjerimit të BE, Johannes Hahn, Kryeministri Edi Rama insistoi se problemin e ka BE-ja, jo Ballkani.
“Hahn ishte i qartë. Ne kemi bërë atë që na u kërkua, ”tha Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje