.png)
Prej javësh, por më shumë pas humbjes me Milanin, po flitet për lamtumirën e mundshme të Kristiano Ronaldos nga Juventusi. Kampioni portugez do që të luajë gjithmonë në Ligën e Kampionëve dhe për ta bërë këtë gjë në verë mund të ndryshojë skuadër. Ku mund të shkojë? Nga Parisi e thërret Nejmar dhe tifozët francezë ëndërrojnë.
“Me cilin lojtar do të më pëlqente të luaja? Dua të luaj me Kristiano Ronaldon”, – ka thënë braziliani gjatë një interviste për “GQ”. Më tej ai shton: “Kam luajtur deri tani me lojtarë të mëdhenj, si Lionel Mesi dhe Kilian Mbape, por ende nuk kam luajtur në krah të Kristiano Ronaldos”.
Një ëndërr me kosto të lartë ajo e Nejmarit, por presidenti i PSG-së, Naser Al-Khelaifi, është një nga të paktët që mund t’ia lejojë vetes të realizojë ëndrra të tilla. “Dua të fitoj Kupën e Botës, – ka theksuar Nejmar gjatë intervistës. – Kjo ka qenë gjithmonë ëndrra ime më e madhe. Por dua të fitoj gjithashtu edhe çdo trofe të mundshëm me PSG-në”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje