.png)
Nejmar kërkon të kthehet patjetër te Barcelona dhe është gati të bëjë gjithçka për të mbajtur sërish fanellën katalanase. Sipas “Mundo Deportivo”, sulmuei brazilian ka refuzuar 100 milionë euro të ofruara nga PSG-ja për rinovimin e kontratës.
Kontrata aktuale e Nejmarit skadon në vitin 2022, por në Spanjë janë të sigurt se ai do të ribashkohet me Mesin dhe shokët e tjerë, madje për këtë është gati të përgjysmojë edhe pagën. Braziliani përfiton rreth 50 milionë euro në vit nga paga dhe nga bonusi që lidhet me rolin e tij si njeriu imazh i “National Bank of Qatar”. Barcelona në këtë moment nuk mund t’i ofrojë më shumë se sa merrte në vitin 2017, pak më shumë se 20 milionë euro. Do të ishte një sakrificë ekonomike, por sulmuesi duket se ka në plan ta pranojë.
Një diskutim tjetër është ai i akordit mes dy klubeve. Kriza e pandemisë së Covid-19 po bën një ridimensionim të shpenzimeve, edhe për klubet që janë mësuar të investojnë shifra shumë të larta. Sipas të përditshmes spanjolle, Nejmar duhet të lajmërojë PSG-në se ka në plan të largohet, ndërsa Barcelonës do t’i nevojiten 180 milionë euro për ta kthyer në shtëpi.
Janë shumë, ndaj dhe po shihen edhe po shihen edhe alternativat e tjera, mes tyre Lautaro Martinez. Për sulmuesin argjentinas katalanasit ofrojnë 80 milionë euro, por Interit nuk i bën punë kjo shumë për momentin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje