.png)
Asambleja e Kombëtare e Partisë Socialiste u mblodh online, pa praninë e Edi Ramës që ndodhet për një vizitë në Turqi dhe u mbyll me miratimin e pikave, që nga thirrja e Kongresit e vendimi për hapje të partisë pa asnjë kundërshtim.
Mbledhjen e drejtoi Sekretari i Përgjithshëm, Taulant Balla.
“Ne do të bëjmë një analizë të plotë të rezultatit të zgjedhjeve në cdo qark në muajt në vijim, por dua të ri-nënvizoj faktin se kryeministri Edi Rama deklaroi se ne do të kishim 78 mandate natyrshëm, pra edhe katëër mandate më shumë, nëse nuk do të ishte numri i madh i votave të pavlefshme, të atyre që zgjodhën PS-12-n në Dibër, në Shkodër, Tiranë dhe Elbasan, por që votën prefernciale për kandidatin e vendosën gabim”, tha ai.
Asambleja Kombëtare, me kërkesë të Kryetarit të Partisë thërriti Kongresin e jashtëzakonshëm për fillimin e një fushatë hapjeje të re, që socialistët thonë se është më e madhja dhe më realja. Fushata do të fillojë më 15 qershor dhe mbyllet më 12 qershor të vitit të ardhshë.
Mes vendimeve të marra ishte edhe propozimi për ngritjen e një komisioni të posaçëm që do të drejtojë analizën e rezultatit të 25 prillit në 12 qarqet e vendit, ndërsa Sekretari Organizativ i PS-së, Arben Pëllumbi falenderoi patronazhistët, që sipas tij patën rol kryesor në fitore.
“Veprimtaria e tyre pati përkrahjen edhe të kryetarit të partisë duke hedhur poshtë zhvlerësimet e etiketimet e pamerituara nga opozita”, u shpreh Pëllumbi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje