Nga municionet për ‘Gepard’, te bateritë kundërajrore: Zvicra mbetet neutrale në luftën në Ukrainë

Gazeta Si – Zvicra e mban hapin e saj dhe nuk devijon nga linja e neutralitetit në krizë. Presidenti Alain Berset, ka urdhëruar asgjësimin e baterive kundërajrore që mund të ishin përdorur në Kiev.

Forcat e armatosura kanë çmontuar sistemet e vjetra “Rapier” të prodhuara në Britani dhe ndoshta do të ekzistonte mundësia që ato t’ia ofronte Londrës, e cila, nga ana tjetër, do t’i kishte “dorëzuar” në Ukrainë.

Është i ashtuquajturi furnizim qarkor që përdoret shpesh për të favorizuar ndihmën ose për të kapërcyer pengesat politike/teknike.

Ligji zviceran, megjithatë, i ndalon ata që blejnë armë në Konfederatë t’ia dërgojnë ato kujtdo që është palë në një konflikt. Kjo është arsyeja pse Berna e shmangu opsionin, duke neutralizuar armët përgjithmonë.

Është e vërtetë, që këto tani janë pajisje të vjetëruara, por ato mund të kishin luajtur një rol në një fazë në të cilën ukrainasit kanë një nevojë të madhe për t’iu kundërvënë bastisjeve ruse.

Në fund të fundit, NATO është tërhequr nga depozitat materiale që nuk janë gjithmonë shumë dhe të njëjtën gjë kanë bërë edhe pushtuesit.

Lufta, përveç vrasjes së mijëra burrave, konsumon burime në sasi. Lajmi ka shkaktuar polemika nga ata që do të donin veprim, ndoshta indirekt, për të mbështetur rezistencën.

Ndër të tjera, zviceranët së shpejti do të nxjerrin në “pension” një numër të madh automjetesh të blinduara M113 dhe armë vetëlëvizëse të ngjashme me ato të vendosura në pjesën e përparme.

A do të përpiqet Aleanca t’i blejë ato? Megjithatë, ka të ngjarë që shteti zviceran të ruajë qëndrimin e tij të koherencës.

Tashmë muaj më parë, ai i ishte përgjigjur kërkesës gjermane për predha për anti-ajrorin gjerman “Gepard” të dërguar nga Berlini në Kiev dhe të prodhuar nga kompania zvicerane, “Oerlikon-Bührle”.

Linja e treshes Gjermani-Danimarkë-Holandë është ndryshe. Programi, i financuar nga të tre vendet, për riaktivizimin e “Leopard 1”-ave të vjetër po vazhdon: disa dhjetëra ekzemplarë janë duke u punuar dhe do të vihen në dispozicion të Ukrainës sa më shpejt të jetë e mundur, ndoshta deri në maj.

Është një nismë paralele me atë që përfshin dorëzimin e “Leopard 2”. Qëllimi është që Zelenski t’i vërë në dispozicion 200 automjete të blinduara në funksion të një ofensive të ardhshme. Një plan i realizuar së bashku me trajnimin e njësive të reja.

Duke mbetur në buxhetin e mbrojtjes, raporti vjetor i institutit suedez “Sipri”, konfirmon realitetin: tregtia globale ka kaluar 100 miliardë dollarë.

Lista e importuesve kryesorë hapet nga Katari i vogël, i ndjekur nga India dhe në vend të tretë është ngjitur Ukraina, e cila bleu ose mori materiale pas pushtimit rus.

Shpenzimet në Evropë janë rritur (94% rritje), me Poloninë dhe Norvegjinë të angazhuar për të forcuar pajisjet e tyre.

Përshtati: Gazeta “Si”