.png)
15 kandidaturat për postin e Avokatit të Popullit janë kualifikuar nga komisioni parlamentar për çështjet ligjore për të vijuar me fazën tjetër, atë të gjetjes së firmave mbështetëse për t’u votëbesuar në parlament.
Ndër emrat më konkurrent për të shkuar për votim në seancë plenare janë ish-kryetarja e Gjykatës Kushtetuese, Vitore Tusha apo edhe anëtari i Komisionit të Ankimimeve dhe Sanksioneve, Ilir Rusmali, për të cilin ka folur jo pak Sali Berisha duke e akuzuar se po favorizon PS në procesin e ankimimeve për zgjedhjet me qëllim të marrë vendin e Avokatit.
Grupet parlamentare do të duhet të negociojnë ndërmjet tyre, për faktin se zgjedhja e Avokatit të Popullit kërkon minimalisht 84 vota çka imponon konsensus politik.
Taulant Balla është shprehur se nuk kërkojnë nga opozita një emër partiak, ndërsa nga PD-ja as mund të flitet për një emër të përbashkët sa kohe që brenda grupit janë krijuar tashmë disa nëngrupe. Ajo që dihet është vetëm një akuzë e Berishës se Basha ka bërë pakt jo publik me Ramën për të cuar Rusmalin tek Avokati i Popullit.
Lista e kandidateve:
1. Ahmet Premçi
2. Alket Jaupi
3. Besim Ndregjoni
4. Bledar Dervishaj
5. Dardan Mustafaj
6. Drita Avdyli
7. Edison Frangu
8. Endri Papajorgji
9. Erald Aga
10. Ilir Rusmali
11. Lefterie Lleshi
12. Robert Gajda
13. Sokol Hazizaj
14. Tartar Bazaj
15. Vitore Tusha
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje