.png)
Ish-Presidenti i Republikës, Bujar Nishani vlerëson se demokratët duhet të kenë vetëm një objektiv; “Të sjellin Partinë Demokratike në pushtet”
“Ky është edhe interesi publik, më i madhi për Shqipërinë. Por ky nuk është një proçes i lehtë e as i thjeshtë. Më së pari kërkon rritjen, forcimin, krijimin e besimit të vërtetë prej PD tek shqiptarët. Kjo do mund të vij vetëm përmes një reforme, bashkimi dhe modernizimi të Partisë Demokratike.
Lëvizja më e fundit që ka nisur është një shpresë e fortë për këtë besim por duket që e ka tmerruar vërtetë (si kurrë më parë në këto 8 vjet) direkt Edi Ramën.
Pushteti i së majtës, që kishte kalkuluar perfekt, asgjesimin e PD, sot po kupton se situata ka marrë një kthesë dramatike. Demokratët po marrin vetë në dorë fatet e partisë së tyre.
Tentativa e pushtetit sot kur sheh se projekti i lig i tij po shkërmoqet, po tenton të sponsorizojë opinionin se lëvizja e z. Berisha do ta përçajë e dobësojë PD.
Kjo lëvizje jo vetëm që nuk mund të prodhojë asnjë përçarje, përkundrazi, do të mundësojë shkundjen e madhe, zgjimin që i duhet asaj partie, bashkimin që ajo meriton, forcimin që i takon!”, shkruan Nishani
Sipas tij, largimi në anën tjetër i Bashës nga drejtimi nuk sjell përçarje.
“Me largimin e L. Bashës nga vendimmarrja personale mbi Partinë Demokratike nuk do të thotë se do të largohen të tjerë nga partia.
Ajo parti është pronë politike e të gjithëve. Askush nuk është i tepërt. Shumë më shumë të tjerë janë të nevojshëm.
L. Basha e ka kthyer atë parti në fasadën dhe pengun e E. Ramës”, shkruan Nishani.
Ish-Presidenti e konsideron teatër absurd edhe ngritjen e komisioneve hetimore nga Basha, ndërsa thekson se kryetari i PD-së duhej të hetonte për rrugën e Kombit që është dhënë me konçesion apo ndërtimin e ri të Portit të Durrësit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje