.png)
Avantazhi i dy golave në pjesën e parë i Lionit ndaj Klermont u minua brenda pak minutave në pjesën e dytë nga një shqiptar.
Kosovari Elbasan Rashani i hoqi dy pikë skuadrës së Lionit falë dy golave të shënuar në pjesën e dytë të takimit, që i dhanë barazimin 3-3 skuadrës së Klermont.
28-vjeçari Rashani, që kaloi në Ligën 1 të Francës nga skuadra turke Erzurum në merkaton e kësaj vere hyri në lojë vetëm në minutën e 69 të takimit, duke zëvendësuar Allevinah. Megjithatë, 20 minuta i mjaftuan që të kalonte dy herë topin pas krahëve të portierit Lopes.
Rashani ngushtoi rezultatin në 3-2 fillimisht në minutën e 80-të dhe më pas në minutën e parë të shtesës pas përfundimit të kohës së rregullt gjeti edhe golin e dytë.
Forma e mirë që po kalon sulmuesi ka bërë që në Prishtinë të shtohen zërat për thirrjen e tij në skuadrën përfaqësuese, aq më tepër në një kohë kur Vedat Muriqi prej muajsh është jashtë forme për shkak të dëmtimeve dhe mungesës së aktivizimit të Lacio.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje