.png)
Mesfushori dhe kapiteni i Dinamos së Zagrebit, Arijan Ademi, është shpallur lojtari më i mirë i vitit 2020 në kampionatin kroat. Për këtë çmim kanë votuar kapitenët e të gjitha skuadrave të nivelit elitar të futbollit në Kroaci.
Ademi, 29 vjeç, ka lindur në Shibenik të Kroacisë nga një familje shqiptare nga Maqedonia e Veriut. Mesfushori ka luajtur fillimisht për kombëtaret e moshave të Kroacisë, deri te Shpresat, më pas ka zgjedhur të veshë fanellën e Maqedonisë së Veriut, që për herë të parë në historinë e saj do të marrë pjesë në një kampionat europian.
Paraqitja e mirë e mesfushorit shqiptar ka bërë që kapitenët të votojnë atë si lojtarin që meriton çmimin simbolik. Te Dinamo e Zagrebit luan edhe një shqiptar tjetër, Lirim Kastrati, i cili në arenën ndërkombëtare mbron ngjyrat e Kasovës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje