.png)
Një zjarr i madh ka përfshirë Karaburunin mbrëmjen e të mërkurë në Vlorës, ku sipërfaqe të mëdha toke janë përfshirë nga flakët.
Mësohet se janë duke djegur hektarë me bimësi, shkurre dhe pemë të ndryshme zonën e Bristanit, duke u ngjitur në Ravenë dhe mbi kishën e Marmiroit në Orikum.
Terreni është shumë i rrezikshëm për të shkuar në vendgjarje, ndërkohë që punonjës dhe specialist të zonave të mbrojtura së bashku me prefektin e Qarkut të Vlorës janë nisur për të parë nga afër situatën.
Situata është problematike pasi flakët e zjarrit te ndihmuara dhe nga era mund t’i afrohen parkut të Llogorasë. Që prej orëve të para të ditës, trupat e batalionit të Poshnjës dhe detarët e Pashalimanit janë angazhuar për fikjen e zjarrit në zonën e Karaburunit, duke sfiduar terrenin dhe temperaturat ekstreme. Përveç tyre në terren po punojnë për kontrollin dhe shuarjen e vatrave të zjarrit edhe forcat zjarrfikëse lokale.
Prej disa ditësh, temperaturat e larta kanë bërë që në të gjithë vendin të përhapen vatra zjarri, ndërkohë që në disa zona terreni ka vështirësuar edhe ndërhyrjen e forcave zjarrfikëse.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje