.png)
Dy vjet pasi u diagnostikua me leuçemi dhe vetëm 7 muaj pas rikthimit në aktivitet, Rikako Ikee ka arritur në mënyrë të pabesueshme të kualifikohet për në Lojërat Olimpike që do të zhvillohen këtë verë në qytetin e saj të lindjes.
Notarja japoneze fitoi garën e 100 metrave flutur. Sportistja 20-vjeçare në fakt nuk ia doli të kapte kohën në provën individuale, por u kualifikua për në Olimpiadë, pasi u fut në stafetën 4×100 miks. “Nuk arrij dot ta përshkruaj me fjalë sa e lumtur ndihem. Nuk e kisha menduar kurrë se do të fitoja në 100 metra, – tha Ikee, e cila shpërtheu në lot nga emocionet. – Nuk kisha shumë besim për kualifikimin, mendoja se do të fitoja në një të ardhme të largët”.
Rikako Ikee kishte rifilluar të stërvitje në mars të 2020-ës, pasi qëndroi e shtruar në spital për gati 10 muaj. Ajo u rikthye në gara në gusht po të vitit të kaluar. Para se të sëmurej ajo vlerësohej nga të gjithë si favorite për medaljen e artë në garën e 100 metrave në stilin e fluturës. Lojërat Olimpike zhvillohen në shtëpinë e saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje