.png)
Në Itali kanë ëndërruar deri në momentin e fundit, por janë zhgënjyer totalisht. Interi dhe Napoli nuk kanë arritur ta kalojnë grupin dhe i ka takuar Totenhemit dhe Liverpulit t’u bashkohen dy skuadrave të Mançesterit, duke kompletuar “pokerin” e anglezëve në fazën e 1/8-ve në Champions League. Anglia është i vetmi kampionat që do të përfaqësohet me 4 skuadra në fazën tjetër të Championsit. Spanja vazhdon me 3 skuadra, Barcelonën, Realin dhe Atletikon e Madridit, ashtu si dhe Gjermania, me Bajernin e Mynihut, Borusia Dortmund dhe Shalke.
Ëndrra italiane për të shkuar me katër skuadra në këtë fazë të kompeticionit më prestigjioz në rang klubesh, diçka që nuk ndodh që prej sezonit 2002-2003, është shkatërruar për 90 minuta, për faj të Totenhemit dhe Liverpulit. Interi bëri vetëvrasje kundër PSV-së në “San Siro”, ndërkohë që Totenhemi barazonte në fushën e Barcelonës. Kurse Napoli u mund nga Liverpuli në “Anfield”, ku luante për dy rezultate. Mëkat, sepse ëndrra ishte aq afër. Tani u takon Romës dhe Juventusit për të ruajtur krenarinë e Italisë jashtë kufijve të saj.
Skuadrat e kualifikuara në 1/8
Vazo 1
Borusia Dortmund
Barcelona
PSG
Porto
Real Madrid
Vazo 2
Atletiko Madrid
Totenhem
Liverpul
Shalke 04
Roma
Skuadra të kualifikuara, por mbetet të vendoset në cilën vazo: Mançester Siti, Mançester Junajtid, Juventus, Bajern Mynih, Ajaks
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje