.png)
Gazeta Si – Alarm për shpërthimin e epidemisë së kolerës në qytetin e Mariupolit, në Ukrainë. Alarm që vjen nga drejtoresha rajonale për emergjencat në Organizatën Botërore të Shëndetit, Dorit Nitsan.
Për agjencinë ukrainase ‘Unian’, zyrtarja e OBSH-së është shprehur: “Kemi marrë informacione nga organizata joqeveritare se ujërat e zeza janë përzjerë me ujin e pijshëm në Mariupol.
Ky është një alarm, një kërcënim i madh për përhapjen e shumë sëmundjeve, në veçanti të kolerës. Po përgatitemi për një fushatë vaksinimi”.
Lufta në Ukrainë ka arritur në ditën e 83-të dhe situata është mjaft e vështirë. Rusia, pas evakuimit të ushtarëve ukrainas të plagosur, ka kërkuar futjen e batalionit Azov në listën e terroristëve.
Në anën tjetër, qeveria e Kievit ka konfirmuar se procesi i negociatave me Rusinë është pezulluar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje