.png)
I ashtuquajturi varianti “indian” i virusit Covid-19, është përhapur në të paktën 17 vende të botës, siç zbulohet nga Organizata Botërore e Shëndetësisë (OBSH) në buletinin e saj javor mbi pandeminë.
Mutacioni i virusit që po godet Indinë me një variant deri më tani të panjohur, i njohur vetëm si lloji B.1.617, është zbuluar në mbi 1,200 sekuenca të ngarkuara në bazën e të dhënave ndërkombëtare ‘Gisaid’, kujton OBSH.
Vendet ku është zbuluar më shpesh, janë India, Shtetet e Bashkuara të Amerikës, Mbretëria e Bashkuar dhe Singapori, por edhe në Belgjikë, Zvicër, Greqi dhe Itali. “Varianti indian i Covid, mund të jetë më ngjitës dhe rezistent ndaj disa vaksinave dhe trajtimeve”.
Ky është alarmi i ngritur nga OBSH-ja, e cila në raportin e saj javor theksoi se varianti – i zbuluar në të paktën 17 vende – përfshin mutacione “të shoqëruara me transmetim më të madh” dhe një aftësi më të ulët për të neutralizuar virusin me disa trajtime me antitrupa monoklonale.
Sidoqoftë, përkundër incidencës së saj në Indi (e cila tashmë përbën pothuajse 40% të rasteve të reja globale), OBSH ende e konsideron atë vetëm një “variant të interesit” dhe jo një “variant shqetësues”, si alarmi i nivelit më të lartë.
Në 24 orët e fundit, rastet pozitive në Indi me koronavirus kanë në qenë 361 mijë, numri i lartë i raportuar ndonjëherë në botë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje