.png)
Fjalët e Fabio Paratiçit para ndeshjes me Bolonjën ishin një konfirmim i asaj që dihej prej kohësh: Juventusi, duke hasur vështirësi për të arritur te Zhorzhinjo, ka si objektiv kryesor për mesfushën brazilianin Artur Melo. Janë llogari që bëhen duke parë edhe interesimin e Barcelonës për Miralem Pjaniç.
Nëse një muaj më parë, pas miratimit të boshnjakut për transferimin në Katalonjë, drejtuesit bardhezinj ndeshën në refuzimin e Artur, tani situata ka ndryshuar shumë. Braziliani nuk është më prioritet i klubit spanjoll dhe i trajnerit aktual Setien, ndërkohë që këmbëngulja e Paratiçit dhe oferta e Juventusit duket se e kanë bindur lojtarin për të kaluar në Itali. “Mundo Deportivo” jep disa detaje, sipas të cilave të ardhurat e lojtarit mund të trefishohen për 5 vitet e ardhshme, duke kaluar nga 2.2 milionë euro në sezon në 7 milionë që mund të marrë në Torino.
Në Spanjë e bëjnë fakt të kryer akordin mes Barcelonës dhe Miralem Pjaniç. Tani pritet vetëm përgjigja e Artur. Mes dy klubeve është diskutuar edhe hipoteza e shkëmbimit të dy lojtarëve, me një shumë shtesë në favor të Barcelonës. Lëvizjen e dy lojtarëve e kanë aprovuar edhe dy trajnerët, Sarri dhe Setien. Pjaniç është gati të bëhet katalans dhe po ashtu edhe Artur është bindur të vishet bardhezi.
Burimi: Sportmediaset/ Përktheu: Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje