.png)
Ditën kur organizatorët kanë siguruar se Lojërat Olimpike do të bëhën 100%, Olimpiada e Tokios duhet të bëjë llogaritë me tërheqjen e shumë vullnetarëve. Janë 10 mijë vullnetarë, nga 80 mijë në total, që kanë komunikuar se nuk do të marrin pjesë në eventin e madh sportiv që nis më 23 korrik.
Kuptohet që shumica e atyre që janë tërhequr, e kanë bërë këtë gjë për shkak frikës nga pandemia. “Përveç shqetësimit për infektimin nga koronavirusi, disa janë tërhequr, sepse kanë kuptuar se është shumë e vështirë të punosh pasi të kesh kontrolluar turnin tënd të punës, apo për shkak të ndryshimeve në ambientin tënd”, – kanë shpjeguar organizatorët e Lojërave.
Pas publikimit të guidave, ku parashikohet se pak vullnetarë do të kenë kontakte me sportistët dhe stafin, nuk është i detyrueshëm vaksinimi. Për momentin, vetëm 2-3% e popullsisë japoneze është vaksinuar, pas një fushate që ecën ende me ritme të ngadalta. Do të jenë ndërkohë të paktën 80% sportistët dhe rezidentët e fshatit olimpik që do të vaksinohen.
Vullnetarët janë një forcë e madhe pune në administrimin e Olimpiadave. Ata u kursejnë organizatorëve miliona dollarë rroga. Vullnetarët kompensohen me uniforma, ushqimin për ditët kur punojnë dhe transportin. Lojërat janë një çështje shumë e nxehtë në Japoni, ku pjesa më e madhe e njerëzve mendojnë se Olimpiada nuk duhet të zhvillohet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje