.png)
Gazeta Si – SHBA-të mbështesin bllokimin e sportistëve rusë dhe bjellorusë për Olimpiadën e Parisit 2024. Këta sportistë nuk mund të përfaqësojnë vendet e tyre në këtë event.
Qëndrimin e ka bërë të qartë zëdhënësja e Shtëpisë së Bardhë, Katerine Jean-Pierre. Nëse Komiteti Olimpik Ndërkombëtar do të lejojë sportistët rusë dhe bvjellorusë të marrin pjesë, “përdorimi i flamujve, emblemave dhe himneve zyrtare ruse dhe bjelloruese duhet të jetë i ndaluar”, – ka thënë ajo.
Jean-Pierre ka kujtuar se SHBA-të kanë kërkuar “pezullimin e organeve qeveritare kombëtare të sportit të Rusisë dhe Bjellorusisë nga federatat sportive ndërkombëtare. Po ashtu, është kërkuar pezullimi i individëve që janë në një linjë me shtetet e tyre, duke përfshirë edhe funksionarë qeveritarë që kanë pozicione influence në federatat sportive ndërkombëtare”.
Zëdhënësja ka shtuar më tej se SHBA-të kanë inkurajuar organizatat sportive kombëtare dhe ndërkombëtare të pezullojnë transmetimet e kompeticioneve sportive në Rusi dhe në Bjellorusi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje