.png)
Pak javë nga nisja e Lojërave Dimërore 2022, në qytetin e Tianjin janë evidentuar rastet e para të infektimit nga varianti Omicron. Vigjilenca është në shkallën maksimale në Kinë, pasi kërcënimi nga ky variant është real.
Pavarësisht strategjisë së rreptë “zero Covid”, që në muajt e fundit ka imponuar karantinën për miliona persona edhe përballë një numri të ulët infektimesh, varianti i ri ka mundur të hyjë në Kinë vetëm pak javë para nisjes së Olimpiadës Dimërore. Rastet e para janë ato të qytetit Tianjin, që ndodhet 140 kilometra larg Pekinit.
Vatra e parë lokale e Omicron i ka shqetësuar jo pak funksionarët kinezë, që kanë konstatuar praninë e të infektuarve të tjerë edhe në zona më të largëta se Pekini. Dy raste të reja janë regjistruar edhe në Anyang, Henan.
Qendra e kontrollit të sëmundjeve në Pekin ka këshilluar rezidentët e kryeqytetit që të mos e vizitojnë Tianjin, si dhe banorët e këtij të fundit që të mos shkojnë në kryeqytet. Ndërkohë, për ata që lëvizin me tren është bllokuar shitja e biletave online.
Po ashtu, personave që kanë shkuar në Pekin nga Tianjin prej 23 dhjetorit, u është këshilluar të paraqiten në komunitetet rezidenciale, te punëdhënësit apo në hotele për monitorimin shëndetësor dhe testet Covid. Për ata që që vijnë nga zonat e rrezikut në Tianjin, masa është ajo e vetëizolimit në shtëpi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje