.png)
Policia ka dhënë detaje të reja nga operacioni i madh antidrogë “Rivera”, i zhvilluar në të njëjtën kohë në Itali e Shqipëri, ku thotë se kanë rënë në pranga 16 persona, nga këta 14 në Itali dhe 2 në Shqipëri.
Nisur që në vitin 2018, operacioni “Riviera”, i iniciuar nga Prokuroria Rajonale Antimafia në Bolonja, në bashkëpunim me Grupin e Operacioneve Speciale (ROS) të Karabinierisë në Bolonja, Itali, ka pasur si qëllim goditjen e një grupi të organizuar kriminal, të përbërë kryesisht nga shtetas shqiptarë, me aktivitet trafikimin e narkotikëve në rajonin Emilia Romagna, Itali.
Policia njofton se në vendin tonë u arrestuan me qëllim ekstradimi drejt Italisë, shtetasit shqiptarë E. H., 40 vjeç dhe J. D. (M.), 28 vjeç.
Ndër të tjera, policia thotë se vazhdojnë veprimet hetimore për dokumentimin e plotë të veprimtarisë së paligjshme të këtij grupi të strukturuar kriminal.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje