.png)
Detaje të reja kanë zbuluar mediat italiane nga operacioni i përbashkët Itali-Shqipëri që u shoqërua me 37 të arrestuar.
Paraprakisht, Gjykata italiane ka vendosur masat e sigurisë për të arrestuarit, duke lënë në “arrest me burg” 25 prej tyre dhe duke dhënë “arrest shtëpie” 12 të tjerë.
Mësohet se shumica e të arrestuarve janë shqiptarë, 27 të tillë nga të cilët 10 u arrestuan në Shqipëri për trafik ndërkombëtar droge në Itali.
Ndërkohë 10 të arrestuar janë italianë. Arrestimet u kryen kryesisht në rajonin e Barit, Romës, Leçes, Matera dhe Pesaro-Urbino.
Grupi kriminal, i cili u shkatërrua në operacionin e drejtuar nga Anti-Mafia dhe Prokuroria italiane në bashkëpunim me Policinë shqiptare dhe SPAK, vepronte prej 5 vitesh, dhe në Shqipëri operacioni u shtri në Tiranë e Vlorë.
Dje u mbajt edhe një konferencë për shtyp ku u bë me dije nga zyrtarët italianë se ka autoritete shtetërore që kanë lejuar apo favorizuar këtë grup kriminal.
Ndërkohë, kreu i SPAK, Arben Kraja premtoi se do të hetohen të gjithë zyrtarët shtetërorë të përfshirë dhe do të çohen para përgjegjësisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje