.png)
Katër shpërndarësit e kokainës të arrestuar pas një operacioni anti-drogë të zhvilluar dy ditë më parë në zonën e “Xhamllikut”, janë lënë në burg.
Gjykata e Tiranës ka liruar nga qelia vetëm Gazmir Canin, i cili ishte drejtuesi i “Benz”-it që u largua me shpejtësi, duke vendosur në rrezik jetën e agjentëve të policisë.
Në burg do të qëndrojnë Gentian Kore, Erjon Prengaj, Altin Gega dhe Taulant Çoku. Në operacionin e quajtur “Xhamlliku” u sekuestruan 1 kg e 128 gr lëndë narkotike kokainë, 3 automjete dhe 7 aparate celulare.
Gjatë operacionit policor u ndalua edhe një gazetar, i cili u shtri në tokë nga agjentët, pasi po filmonte.
SHÇBA ka nisur një hetim disiplinor ndaj efektivëve për këtë incident dhe nëse ka pasur dekonspirim lidhur me këtë operacion.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje