.png)
Në fillim jave, kryetari i Partisë së Lirisë, Ilir Meta, ka zhvilluar një takim në selinë e PD-së me Sali Berishën.
Takimi vjen pak ditë para se në KQZ të mbyllet afati për regjistrimin e koalicioneve si mundësia e vetme që Berisha të regjistroje kandidatët e tij.
Ankimi i tij për drejtimin e PD-së ndodhet në KAS me relator Ilir Rusmalin por me gjasa zëro për të kaluar sa kohe që më herët as Apeli dhe as Ilirjan Celibashi paraprakisht nuk e kanë pranuar kërkesën e tij.
Ndërkohë ka edhe një ngërç tjetër për ta marrë në shqyrtim ankesën e tij në KAS sa kohë që Celibashi nuk ka marrë ende vendim zyrtar.
Takimi me Ilir Metën që sipas të gjitha gjasave është shansi i fundit që ai të regjistroje kandidatët po mbahet në selinë blu, ndërsa në fokus të bisedës së tyre janë pikërisht zhvillimet e fundit sa i takon regjistrimit në KQZ për zgjedhjet e 14 majit.
Ilir Meta e la hapur bashkëpunimin në koalicion sa kohë që pas takimit ai u shpreh se kandidatët për kryebashkiake dhe këshillat bashkiake do të jenë të opozitës.
“Një takim në kuadër të bashkëpunimit tonë e të kësaj aleance të jashtëzakonshme të të gjithëve për ndryshim. Në datën 15 maj shumica e kryetarëve të bashkive në gjithë Shqipërinë i përket ndryshimit dhe opozitës të bashkuar dhe pa asnjë diskutim e shumica dërrmuese e këshillave bashkiakë do i përkasë opozitës”, tha Meta pas takimit me Berishën.
Partia e Lirisë është regjistruar si subjekt zgjedhor, ndërsa Partia Demokratike ende. KQZ nuk e njohu PD e Berishës ndërsa grupimit tjetër u la afat 48 orë për plotësimin e dokumentacionit
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje