.png)
Mjekët grekë të spitalit kanë hyrë në grevë sot dhe dhjetëra marshuan në Athinë për të protestuar ndaj kushteve “mbytëse” në spitalet gjatë pandemisë. Me rreth 6,000 vdekje, Greqia ia ka dalë më mirë se pjesa më e madhe e Europës për të përmbajtur pandeminë dhe ka parandaluar që shërbimi i saj shëndetësor, i goditur nga kriza financiare prej vitesh, të shkojë drejt kolapsit.
Por njësitë e kujdesit intensiv në Selanik dhe Athinë janë në luftë për mbijetesë, me afërsisht 80% të kapacitetit të zënë dhe mjekët duan që qeveria të krijojë njësi të reja për pacientët në vend që të përdorë shtretërit ekzistues, si dhe të punësojë më shumë staf dhe të përdorë burimet nga sektori privat .
“Ekziston një rrezik serioz si për pacientët me Covid-19 ashtu edhe për pacientët me sëmundje kritike me sëmundje të tjera”, tha unioni i mjekëve të spitalit, Oenge, në një deklaratë. Ai përshkroi situatën në spitale si “mbytëse”.
Më shumë se 1,200 pacientë me Covid kanë kaluar nën kujdes intensiv në Greqi që nga fillimi i pandemisë. Sot, autoritetet shëndetësore raportuan 880 raste të reja me koronavirus dhe 24 viktima. /The Guardian/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje