.png)
Siguria para të gjithave. Kombëtarja e Gjermanisë, pas fitores së bukur në fushën e Islandës, me rezultatin 0-4, ka përjetuar momente paniku, pasi avioni me të cilin udhëtonte është detyruar të bëjë një ulje emergjence.
Nga mesazhet e publikuara nga lojtarët, por edhe federata gjermane, kuptohet se problemi ka qenë vërtet i rëndësishëm dhe avioni ka bërë një ulje të detyruar në Edinburg. Në profilin Tuiter të kombëtares gjermane janë bërë postime të shpeshta për azhurnimin e situatës.
Zeit für einen weiteren Kaffee. ☕️
— Die Mannschaft (@DFB_Team) September 9, 2021
Hier läuft alles sehr unaufgeregt, ruhig und professionell. Wir sind noch im Flieger und gedulden uns ein bisschen. ✌🏼 pic.twitter.com/VfrnIIoodU
“Siguria është e para, një ndalesë për siguri në Edinburg, nga ku mund të bëhen fluturime individuale vajtje-ardhje. Ne jemi mirë dhe teknikët po punojmë për të rregulluar defektin”, – shkruhej në një postim për të qetësuar familjarët e delegacionit gjerman.
Një natë turbulluese për gjermanët, që edhe sot në mëngjes kanë qenë në pritje. Prova është filxhani i kafes i postuar në Tuiterin e federatës gjermane të futbollit: “Momenti për një tjetër kafe. Këtu gjithçka është e qetë dhe të gjithë janë profesionistë. Jemi në avion dhe duhet të kemi edhe pak durim”.
Nuk është ende e qartë se për çfarë lloj defekti bëhet fjalë, por e rëndësishme është që të gjithë janë mirë dhe së shpejti lojtarët mund të kthehen në qytetet e tyre për të qenë në dispozicion të klubeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje