.png)
Mbrëmja e djeshme ka qenë “e qetë” edhe për Papa Françeskun në poliklinikën Gemelli, i cili doli nga spitali për t’u kthyer në Vatikan.
Ai u tha gazetarëve: “Jam ende gjallë, nuk kisha frikë”
Pas lejes së fundit dhe pothuajse të qartë të dhënë mbrëmjen e djeshme nga mjekët Gemelli, paraditen e sotme Papa Françesku u largua nga poliklinika romake, ku ishte shtruar ditët e fundit për shkak të bronkitit infektiv. Para se të largohej, Ati i Shenjtë përshëndeti Rektorin e Universitetit Katolik, Franco Anelli, me bashkëpunëtorët e tij më të ngushtë, Drejtorin e Përgjithshëm të Poliklinikës, Marco Elefanti, asistentin e përgjithshëm kishtar të Universitetit Katolik, Imzot Claudio Giuliodori dhe ekipine e mjekëve dhe punonjësve shëndetësorë që e kanë ndihmuar gjatë këtyre ditëve.
Para se të largohej, Papa Françesku përqafoi edhe një çift prindërish që humbën vajzën e tyre mbrëmë dhe u ndal për t’u lutur me ta.
Ai u tha gazetarëve që prisnin në dalje të spitalit: “Jam ende gjallë, nuk kisha frikë”. Pastaj shtoi: “E di që disa prej jush e kanë kaluar natën këtu. Faleminderit, faleminderit për punën tuaj të mirë për të informuar njerëzit
Pas largimit nga Gemelli, raporton Selia e Shenjtë, Papa Françesku shkoi në Bazilikën e Santa Maria Maggiore: «Papa u ndal para ikonës së Marisë, Salus Populi Romani, duke i iu lutur asaj për fëmijët që takoi dje në Onkologjinë Pediatrike dhe Neurokirurgjinë e fëmijëve të Spitalit, të gjithë të sëmurët dhe ata që vuajnë nga sëmundja dhe humbja e të dashurve të tyre”.
Bergoglio do të rifillojë menjëherë aktivitetin normal.
Kjo vihet re nga dy fakte: njoftimi jozyrtar se nesër do të jetë në oborrin e kishës së Shën Pjetrit për të kryesuar meshën për të dielën e Palmave, dhe më pas pagëzimi i kremtuar që dje pasdite.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje