.png)
Papa Françesku u takua këtë të diel me kryeministrin Viktor Orban dhe Presidentin e Republikës së Hungarisë, Janos Ader, në Muzeun e Arteve të Bukura në Budapest. Mësohet se takimi ka zgjatur rreth 40 minuta. Udhëtimi në Hungari është i pari i Papës pas ndërhyrjes kirurgjikale.
Takimi i Atit të Shenjtë në Budapest, “u zhvillua sipas programit të planifikuar, në një atmosferë të përzemërt”, raporton Zyra e Shtypit në Vatikan.
Gjithashtu të pranishëm, me Papën, ishin kardinali Pietro Parolin, Sekretar Shteti. Ndër temat e ndryshme të trajtuara, ishin “roli i Kishës në vend, angazhimi për të mbrojtur mjedisin, mbrojtjen dhe promovimin e familjes”.
Papa Françesku gjithashtu donte të bënte një shaka në udhëtimin e tij të parë pas operacionit: “Më falni që kam mbajtur fjalimin ulur. Unë nuk jam 15 vjeç”.
Gjatë takimit me Këshillin Ekumenik të Kishave dhe disa bashkësi hebraike, Ati i Shenjtë u kthye për të trajtuar temën e antisemitizmit, që “është një problem që duhet të shuhet”.
Pas takimit me Papën, kryeministro Orban shkroi në Twitter se i kishte kërkuar Françeskut “të mos lejonte që Hungaria e krishterë të humbasë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje