.png)
Lindita Nikolla nuk e fshehu ngazëllimin ndaj vendimit të fundit të kryeministrit Edi Rama për ta çuar atë në krye të Kuvendit.
Rasti i Nikollës është tipiku i politikanit që largohet me zhurmë nga detyra që mbante më herët dhe kthehet sërish “në majë” me një tjetër rezultat.
Lindita Nikolla u rikthye në drejtimin e fushatës së PS-së për zgjedhjet e 25 prillit në një qark të vështirë si ai i Lezhës.
Në këtë qark, socialistët siguruan 3 mandate, ndërsa Partia Demokratike 4.
Rezultati u vlerësua pozitiv për PS-në në një kohë që PD pretendonte deri në 5 mandate, e LSI po ashtu një mandat.
Qarku i Lezhës është i vetmi që konsiderohet një qark në rritje si për PD-në ashtu edhe për PS-në.
PD-ja mori rezultatin më të mirë të saj në vota (33.9898) më mirë sesa votat në zgjedhjet e 2009, 2013 dhe 2017, duke u përfaqësuar në Kuvend me 4 deputetë.
Paralelisht u rrit edhe PS-ja krahasuar me tre zgjedhjet e fundit parlamentare, por jo aq sa për të përmbysur rezultatin në mandate për shkak edhe të faktorit LSI.
Në zgjedhjet e fundit PS mori rezultatin më të mirë në vota (30406).
Një rezultat që ndryshe nga disa emra të tjerë në PS si rasti “Balla” u përkthye siç duhej nga Rama.
Ai e emëroi Lindita Nikollën në krye të Kuvendit me merite edhe pas një fushatë të vështire si drejtuese e grupit të punës në qarkun Lezhë.
Nuk u përkthye njësoj në kampin tjetër, ku paradoksalisht drejtuesi i qarkut për PD në Lezhë që mori më shumë vota se çdo qark tjetër dha dorëheqjen.
Dorëheqja e Mark Makut lidhej me një problematikë të thellë në PD duke e ndarë në tri etapa që lidheshin nga vendimi për të mos protestuar për “manipulimin e zgjedhjeve” fushata për zgjedhjen e kryetarit të PD-së “pa vizion” e deri tek zgjedhja e strukturave të reja të partisë.
Një standard krejt i ndryshëm që u ndoq për një qark që rezultoi fitues për të dyja partitë.
Njëri drejtues shkoi kryetar Kuvendi tjetri kundërshtar “fitues” dha dorëheqjen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje