.png)
Deputetët britanikë votojnë sot nëse do të mbështesin marrëveshjen e kryeministres Theresa May për largimin nga Bashkimi Evropian.
I ashtuquajturi “votimi përfundimtar” vjen pas pesë ditësh debati publik mbi Brexit. Zonja May u ka bërë thirrje politikanëve që të mbështesin marrëveshjen e saj ose do “të lënë në baltë” britanikët.
Por ka shumë deputetë të saj që pritet të bashkohen me partitë opozitare për të votuar kundër marrëveshjes
Votimi fillon rreth orës 19:00, duke filluar me amendamentet që mund të riformësojnë marrëveshjen për të vazhduar më pas me votimin mbi vetë marrëveshjen e largimit nga BE-ja.
“Nuk është një marrëveshje e përsosur, por kur të shkruhen librat e historisë, njerëzit do të shqyrtojnë vendimin e këtij parlamenti dhe do të pyesin: A e kemi mbrojtur ekonominë tonë, sigurinë apo bashkimin, apo i lamë në baltë britanikët? ‘”
Por shumë deputetë janë kundër marrëveshjes. Rreth 100 deputetë konservatorë dhe 10 deputetë të Partisë Demokratike Bashkimi mund të bashkohen me Laburistët dhe partitë e tjera të opozitës për të votuar kundër marrëveshjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje