.png)
Parlamenti holandez ka votuar pro hapjes së negociatave të pranimit të Shqipërisë në Bashkimin Europian, me kushtin e përfshirjes së Holandës me përfaqësues të saj për raportim. Në fokus do të jenë për çështjet e bashkëpunimit gjyqësor dhe migrimit.
Ky kusht është pjesë e mocionit të hartuar nga dy deputetë holandezë, Kaminga dhe Amhaouch.
“Shqipëria së fundmi ka bërë përparim në çështjet e kërkuara nga Bashkimi Europian duke vënë në dukje se fillimi i negociatave të pranimit për Shqipërinë është vetëm fillimi i një proces të gjatë reformash”, -thuhet në mocion.
Ndërkohë një mocion tjetër që kërkonte të mos merreshin hapa të mëtejshëm për integrimin e Shqipërisë dhe Maqedonisë së Veriut në BE u rrëzua nga deputetët holandez.
Më 22 qershor pritet mbledhja e Këshillit Europian, ku Unioni do të vendosë nëse do të ketë apo jo një datë për Konferencën e Parë Ndërqeveritare me Shqipërinë dhe Maqedoninë e Veriut.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje