.png)
Pas përfundimit të vizitës dyditore në Turqi, Kryeministri Edi Rama ka zbritur në Greqi, ku fillimisht është takuar me Ministrin e Jashtëm të Greqisë, Nikos Dendias.
LEXO EDHE:
12 miljet e Greqisë dhe tensioni me Turqinë, ecejaket e Ramës në Ankara dhe Athinë
Ka qenë vetë Dendias i cili ka publikuar foto nga takimi me kreun e qeverisë shqiptare, ndërsa shkruan se në fokus të bisedës janë marrëdhëniet dypalëshe, perspektiva e Shqipërisë në BE si edhe zhvillimet në rajon.
Më herët, Rama komentoi përmes rrjetesh sociale:
“Në Athinë për një drekë pune me Kryeministrin Mitsotakis ,për të diskutuar mbi koordinimin e mëtejshëm në luftën e përbashkët kundër Covid19; forcimin e mëtejshëm të marrëdhënieve strategjike mes dy vendeve;bashkëpunimin rajonal dhe integrimin europian të rajonit tonë”.
Megjithatë, për shumë media në Greqi vizita e beftë e Ramës në Ankara dhe më pas ndalesa po e papritur në Athinë lidhet me çështjen e zgjerimit të Greqisë me 12 milje në detin Jon, që nga ana e Turqisë kundërshtohet fort.
Nga media të ndryshme u raportua gjithashtu se Rama do të sigurojë nga Greqia edhe vaksina falas kundër Covid-19.
Pas takimit, Rama ka drekuar me kryeministrin e Greqisë, Mitsotakis.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje