.png)
Pas vrasjes së George Floyd, një tjetër zemërim po rritet në SHBA, konkretisht në Çikago, nga komuniteti hispanik.
Policia vrau një djalë 13-vjeçar hispanik, Adam Toledo, pas një “ballafaqimi të armatosur”.
Adoleshenti ishte zhdukur nga shtëpia për disa ditë dhe në mëngjesin e 29 Marsit një oficer policie e qëlloi atë për vdekje pasi e ndoqi në një rrugicë.
Zemërimi i komunitetit hispanik është në rritje, ndërsa hetuesit kanë njoftuar se do të publikojnë videon e të shtënave.
Agjenti i përfshirë është pezulluar përkohësisht nga shërbimi.
Nëna e 13-vjeçarit të vrarë, Elizabeth Toledo, ka bërë thirrje për transparencë nga policia, duke thënë: “Unë thjesht dua të di se çfarë ka ndodhur në të vërtetë me fëmijën tim”.
Kryebashkiaku i Çikagos, Lori Lightfoot, nën anën tjetër kërkoi që imazhet e kamerave të trupit të agjentëve në lidhje me të shtënat të bëhen publike
Policia tha se oficerët u thirrën rreth orës 2.30 të mëngjesit në një adresë në Little Village, një lagje kryesisht e latinëve në Çikagon perëndimor, duke iu përgjigjur raporteve të të shtënave me armë.
Policët panë dy persona në një rrugicë dhe filluan t’i ndiqnin.
Një djalë 21-vjeçar u arrestua, ndërsa agjenti që ndiqte Adamin qëlloi një herë, duke e goditur atë në gjoks.
13-vjeçari vdiq menjëherë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje