.png)
Ish-nënkryetari i PD-së, Astrit Patozi, i shkëputur prej vitesh nga kjo forcë politike tha se e ardhmja e PD nuk mund të jetë as Basha dhe as Berisha.
Duke komentuar protestën e 8 janarit ku mund të pritet shumëçka në oborrin e selisë blu, Patozi shprehet se si Basha ashtu edhe Berisha kanë shkuar shumë larg për të pasur një shans në krye të PD-së.
“Unë përpiqem të jem realist, të mos jem emocional, të mos ndikohem nga prirjet e mia. Nuk e kam personale këtë qasje. E përjashtoj faktorin e individit Basha apo Berisha.
Personat janë të ndryshueshëm e pranoj që mund të gjejmë edhe zgjidhje brenda tyre.
Por, si Basha edhe Berisha janë dy politikanë që kanë shkuar shumë larg, qoftë në raport me njëri-tjetrin, qoftë në raport me PD, apo edhe me shqiptarët. I kanë djegur të gjitha shanset e tyre.
Ndaj nuk besoj se kanë më kohë politike për të kryer. Por janë në të drejtën e tyre për sa kohë kanë ndjekës.
Unë, nuk e shikoj perspektivën e PD nën udhëheqjen e njërit prej dy ndërluftuesve.
PD duhet ta mbarojë këtë luftë dhe pastaj të mendojë për rithemelimin e saj. Jo rithemelim jo si ky i Berishës. Por një riformatim real”, tha Patozi
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje