.png)
Fitorja 3-1 ndaj Sasuolos ishte e rëndësishme për Juventusin sa i takon ngjitjes në renditje, por e rëndë nga pikëpamja e dëmtimeve. Pas përgjigjes së analizave ka dalë se dëmtimi i Paulo Dibalës është më i lehtë nga sa ishte parashikuar, por atij i duhen 15-20 ditë për ta kaluar atë. Argjentinasi ka dëmtuar ligamentin e gjurit të majtë dhe humb kështu disa ndeshje, mes tyre edhe sfidën e fundjavës me Interin.
Dëmtim më i lehtë është ai i MekKenit, i cili gjithashtu u zëvendësua në pjesën e parë të ndeshjes me Sasuolon. Amerikani do të jetë gati në fundjavë për trajnerin Andrea Pirlo. Numerikisht, për përballjen me Interin do të ishte më i rëndësishëm rikuperimi i Dibalës, sepse në mesfushë Pirlo ka të gatshëm lojtarë si Ramsei, Bentankur, Artur dhe Rabiot, kurse sulmues të pastër ai ka vetëm Moratën dhe Ronaldon.
Gjithçka në rregull për Kiezën, pas goditjes që ai mori gjatë ndeshjes së fundit nga Obiang. “Paulo Dibala iu nënshtrua analizave, që konstatuan një dëmtim të shkallës së ulët të ligamentit të gjurit. Nuk ka shqetësime serioze për MekKenin dhe Kiezën, gjendja e të cilëve do të vlerësohet gjatë ditëve”, – shkruhet në komunikatën zyrtare të Juventusit. Kuadrado dhe Aleks Sandro dolën pozitivë me Covid-19 pak ditë më parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje