.png)
Sekretari për Çështjet Ligjore në PD, Clirim Gjata deklaroi sot se Rama vijon të bashkëpunojë me njerëz të inkriminuar, pavarësisht letrës së ambasadores amerikane Yuri Kim se në zgjedhjet e ardhshme duhen kandidatura të pastra.
Gjata iu referua Shkëlqim Selamit i përjashtuar nga mandati i deputetit katër vjet më parë me vendim unanim të KQZ-së pasi nuk kishte publikuar një dënim të hershëm të tij në Itali në formularin e dekriminalizimit. Atë kohë, Selami garonte nën siglën e LSI-së
“Edi Rama e ka të pamundur të ndahet nga bashkëpunimi me njerëzit e inkriminuar, pavarësisht presionit ndërkombëtar për tu ndarë prej tyre. Shefi i Rilindjes u shfaq sot në Vlorë gjatë një përurimi në krah me ish-deputetin e larguar nga politika me vendim të KQZ si pjesëmarrës në organizata kriminale, Shkëlqim Selami.
Duke u shfaqur krah Selamit, Rama sfidoi publikisht sot ambasadoren e SHBA, Yuri Kim e cila vetëm dy ditë më parë ju dërgoi një letër partive kryesore shqiptare, që do të garojnë në zgjedhjet e ardhshme në lidhje me pastërtinë e figurës se kandidatëve të tyren”, tha Gjata.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje