.png)
Partia Demokratike ka hedhur poshtë të gjitha hamendësimet mediatike që thonë se me ndërmjetësimin e Komisionerit të Zgjerimit, Oliver Varhelyi mund të ketë pasur një takim Rama-Basha në mjediset e Aeroportit të Rinasit dhe larg syve e vëmendjes së publikut.
“Nuk ka pasur asnjë takim midis Lulzim Bashës dhe Edi Ramës. Kjo është një gënjeshtër tjetër për të mbuluar vjedhjen më të madhe të votave në historinë e Shqipërisë nga Rama-Doshi-Rakipi dhe bandat e tyre”, thuhet në deklaratën e PD.
Zërat për një takim të mundshëm Rama-Basha u nxitën për shkak të agjendës së takimeve veç e veç mes Komisionerit të Zgjerimit, Oliver Varhelyi me kreun e PS-së dhe kreun e PD-së.
Komisioneri u takua fillimisht me Ramën dhe në përfundim të konferencës së përbashkët për shtyp me të zhvilloi një takim tjetër me Bashën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje