.png)
Partia Demokratike thotë se të dhënat e INSTAT në lidhje me popullsinë dhe vdekjet në vend nxorrën zbuluar propagandën e Edi Ramës me pandeminë.
Sipas opozitës, Shqipëria është vendi me numrin më të lartë të vdekjeve në Europë që nga fillimi i pandemisë.
“Dështimin e Edi Ramës me pandeminë e paguan qytetarët e thjeshtë, të cilët mbetën të pambrojtur ndërkohë që përgjigjja e vetme që qeveria kishte, ishte si përherë propaganda. Teksa qytetarët vuanin dhe ekonomia lëngonte, Rama nuk hoqi asnjëherë dorë nga mashtrimet dhe gënjeshtrat, nuk hoqi dorë as nga shpenzimet e majme për klientët e tij, nuk hoqi dorë nga koncesionet korruptive dhe nga tenderat sekretë në kohë fatkeqësie”, deklaroi deputetja e zgjedhur e PD, Albana Vokshi.
Vokshi thotë sse Shqipëria renditet e fundit në Europë për numrin e testimeve, për numrin e mjekëve për banorë, për ndihmën ekonomike dhe e para për jetët e humbura në raport me popullsinë totale të vendit.
“Rama refuzoi planin e PD me 5 pika, sepse ai kishte planin e tij për të plaçkitur taksat e shqiptarëve edhe në kohë pandemie. Atë që sot zbulon INSTAT-i, qytetarët e kanë jetuar dhe vuajtur në lëkurën e tyre. Këto janë pasojat e pashmangshme të sundimit të një pakice që ka braktisur shqiptarët dhe punon vetëm për veten dhe klientët e saj”, mbyll deklaratën e saj, Albana Vokshi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje