.png)
Partia Demokratike përmes deputetit Gazment Bardhi i ka kërkuar kryetares së Kuvendit Lindita Nikolla, që të thërrasë pa vonesa mbledhjen e radhës të Këshillit të Rregullores, Mandateve dhe Imunitetit me qëllim prezantimin e raportit për pavlefshmërinë e mandatit të ministres Olta Xhaçkës.
Këshilli i mandateve votoi unanimisht më 16 shtator për shtyrjen me dy javë për hartimin e raportit final për ministren e Jashtme Olta Xhaçka.
Pas kërkesës së PD-së, për heqjen e mandatit të Xhaçkës, deputetja e PS, Klotilda Bushka kërkoi dy javë kohë për të bashkërenduar kërkesat e Partisë Demokratike.
Opozita pretendon se bashkëshorti i saj qëndron pas një kompanie që do të ndërtojë resort turistik në bregdetin e Himarës në cilësinë e investitorit strategjik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje