.png)
Dosja e famshme “339” është kthyer në një kauzë të Partisë Demokratike. Deputetja demokratike, Albana Vokshi, në një dalje për mediat nga selia blu, ka sulmuar ashpër kryebashkiakun e Durrësit, Vangjush Dako.
Në emër të PD-së, deputetja e djathtë kërkoi arrestimin e kryebashkiakut, duke e akuzuar atë se manipuloi dëshmitarët me ndihmën e kryeministrit Edi Rama.
“Përgjimet e dosjes 339 kanë faktuar se Vangjush Dako është në komunikim të vazhdueshëm me bandat para, gjatë dhe pas zgjedhjeve, duke shkëmbyer me pasuri dhe pushtet votat e blera për tepsinë e Edi Ramës. Dosja ‘339’ është faktimi i asaj që panë vëzhguesit ndërkombëtarë të zgjedhjeve, kur raportuan se vota në Shqipëri u ble, se qytetarët nuk votuan të lirë dhe votuesit u kërcënuan dhe u shtrënguan nga bandat, siç është rasti i Durrësit. Dosja ‘339’ vërteton pa asnjë dyshim më:
•Se Zgjedhjet e 2017-ës u blenë bashkë me krimin,
•10-15 deputetë u blenë nga krimi,
•Se kyParlament është i paligjshëm dhe
•Se Edi Ramaështë një kryeministër i paligjshëm dhe provat për këtë Prokuroria i ka nëdosjen “339”!, u shpreh Vokshi.
Më tej, ajo theksoi se pa u ndëshkuar krimi elektoral i Dakos, në Shqipëri nuk do të ketë drejtësi dhe luftë kundër krimit.
“Në Shqipëri nuk ka për të patur as drejtësi, as luftë kundër krimit dhe asnjë zhvillim normal pa u ndëshkuar krimi elektoral që mban në pushtet qeverinë ilegjitime të Edi Ramës!” përfundoi Vokshi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje