.png)
Përfaqësues të Partisë Demokratike u takuan me shoqatën e biznesit fason në Krujë, ku është vendosur numri më i madh i fasonerive në vend por dhe përhapja e virusit është më e madhe.
Përfaqësuesit e PD-së, Albana Vokshi, Orjola Pampuri, Çlirim Gjata dhe Gent Strazimiri biseduan me biznesin fason pas kërkesës së këtyre të fundit.
“Në takim u mësua se asnjë përfaqësues i qeverisë apo deputet i zonës nuk ka pranuar të takohet me shoqatën e fasonëve të Krujës, megjithëse situata aty po rëndohet çdo ditë nga përhapja me shpejtësi e virusit”, – thuhet në njoftimin për shtyp të PD-së.
Përfaqësuesit e fasonëve shprehën gatishmërinë për të mbyllur aktivitetin e tyre deri në një moment të dytë, por kërkojnë që qeveria të paguajë punonjësit.
“Një nga problemet kyç që ata ngritën ishte heshtja e qeverisë për këtë situatë. Ata treguan se i kanë dërguar 4 herë kërkesa qeverisë që prej 23 marsit, por askush nuk u ka kthyer përgjigje. Ndryshimi kaotik i kushteve që duhet të plotësojnë dhe gjobat janë i vetmi reagim i qeverisë për këto fasoneri, që punësojnë mbi 5 mijë gra dhe vajza nga Kruja dhe zonat përreth”, – thuhet në njoftimin e PD-së. Por, në ç’drejtim do t’i mbështesë PD-ja fasonët?
“Përfaqësuesit e Partisë Demokratike siguruan fasonët se kanë mbështetjen e opozitës për çdo kërkesë që vë të parin shëndetin e punonjësve dhe pagesën e tyre, duke theksuar se ky është një detyrim ligjor i qeverisë”, thuhet në njoftimin e PD-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje