.png)
Partia Demokratike ka bërë publike një listë me disa emra drejtuesish të lartë në Policinë e Shtetit, që sipas saj provojnë që sot ky institucion është në duart e ish-sigurimit të shtetit, që e ka bënë atë në shërbim të fuqizimit të krimit të organizuar.
“Përfshirja në polici e oficerëve dhe bashkëpunëtorëve të Sigurimit të Shtetit enverist me mision shtypjen e lirisë dhe drejtave të njeriut është një akt antikushtetues dhe antiligjor. Sigurimsat që i shërbejnë pushtetit të Edi Ramës emërohen në kupolën e Policisë së Shtetit. Ligji i vettingut në polici shkelet plotësisht për të mbrojtur këta sigurimsa, siç është rasti i zëvendësdrejtorit të Përgjithshëm të Policisë Gjovalin Loka dhe siç janë përgatitur të bëjnë me disa të tjerë”, deklaroi ish-deputeti demokrat, Klevis Balliu.
Në listën e publikuar nga PD ka emra si Artan Shkëmbi, drejtues i policisë kriminale që e kaloi vettingun, zv.Drejtori për Rendin dhe Sigurinë, Gani Zeneli, apo Xhavit Shala, i denoncuar si ish-sigurims edhe nga ish-kreu i Institutit të Studimeve për Krimet e Komunizmit, Agron Tufa.
“Lista është shumë më e gjatë, por këta janë të gjithë këta janë në poste kyçe në Policinë e Shtetit që kanë mbaruar Shkollën e Sigurimit, ku mësohej zbulimi, hetimi, përndjekja dhe tortura, ndaj kundërshtarëve të regjimit diktatorial komunist. Janë bashkëpunëtorë dhe oficerë të Sigurimit të Shtetit, arma kryesore e diktaturës kundër lirisë”, deklaroi Balliu.
Ish-deputeti i PD-së thotë se policia është shndërruar në një dorë të zgjatur të Partisë Socialiste, që e ka bënë atë në shërbim të fuqizimit të krimit të organizuar, me të cilin akuzon se bashkëqeveris.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje