.png)
Me nisjen e sesionit të ri parlamentar, Partia Demokratike i ka dërguar zyrtarisht Kuvendit ndryshimet që ka miratuar në grup parlamentar pas protestës së 8 janarit.
Me vendim kryesie, Basha ka përjashtuar nga Partia Demokratike katër deputetë që me letra i bie të jenë deputetë të pavarur në Kuvend; Albana Vokshi, Edmond Spaho, Flamur Noka dhe Luan Baçi. Emri i ketij te fundit eshte perfshire ne shkrese si i perjashtuar, nderkohe qe me vendim kryesie ka qene i pezulluar.
Ajo që bie në sy është se në listën të përjashtuarve nuk është përfshirë emri i Berishës që vijon të mbetet i pezulluar nga grupi me nje vendim me te hershem qysh prej muajit shtator. Edhe pse Berisha eshte perjashtuar nga partia, automatikisht i bie i perjashtuar edhe nga grupi, por me letra sa duket ai do te mbetet pezull.
Nderkohë nënkryetar i Kuvendit nga ana e PD-së do të jetë Agron Gjermarkaj që zëvendëson Enkeleid Alibeajn i cili do të marrë vendin e Alfred Rushajt si kryetar i grupit parlamentar.
Ndërkohë mbeten të pezulluar edhe disa deputete te tjerë si Oerd Bylykbashi, Belind Këllici, Agron Shehaj.Ndërkohë janë bërë edhe ndryshimet në komisione sipas vendimeve që u morën ndaj deputetëve të përjashtuar dhe atyre te pezulluar disa prej të cilëve kane qënë nënkryetar dhe kryetar komisionesh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje