.png)
Gazeta Si – Populli ukrainas, i përfaqësuar nga presidenti i tij Vollodimir Zelenski dhe liderët e zgjedhur dhe shoqëria civile, është fitues i çmimit ‘Sacharov 2022’. Ky është vlerësimi më i madh që akordon Parlamenti Europian për lirinë e mendimit.
Dy finalistët e tjerë ishin themeluesi i ‘WikiLeaks’, Julian Asanzh, dhe Komisioni për të vërtetën në Kolumbi. Ceremonia e dhënies së çmimit është programuar për më 14 dhjetor.
Me dhënien e çmimit ‘Sacharov 2022’ Zelenskit dhe popullit ukrainas, “evidentohen sforcot e presidentit ukrainas, bashkë me individë të veçantë, përfaqësues të shoqërisë civile dhe institucioneve shtetërore dhe publike”, – shkruhet në një njoftim të Parlamentit Europian.
Përveç presidentit Zelenski, përmenden edhe përgjegjësja e shërbimeve të emergjencave të shtetit Julia Pajevska, themeluesja e unitetit mjekësor dhe evakuimit Angeli di Taira, Oleksandra Matvijçuk, avokate e të drejtave të njeriut, si dhe Ivan Fedorov, kryebashkiak i Melitopol, aktualisht nën pushtimin rus.
Çmimi ‘Sacharov’ për lirinë e mendimit jepet çdo vit nga Parlamenti Europian. Është krijuar në 1988-ën për të nderuar persona dhe organizata që mbrojnë të drejtat e njeriut dhe liritë themelore. Ka marrë emrin e shkencëtarit dhe disidentit sovjetik, Andrei Sakharov. Fituesi shpërblehet me 50.000 euro.
Vitin e kaluar Parlamenti i BE-së ia dha këtë çmim politikanit rus të opozitës dhe aktivistit antikorrupsion, Aleksei Navalni.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje