.png)
Janë hapur zyrtarisht në Kinë tre fshatrat olimpikë, ku do të sistemohen sportistët dhe drejtuesit e skuadrave gjatë Lojërave Olimpike dimërore Pekin 2022. Dy prej tyre janë në Pekin, kurse një tjetër në Zhangjiakou.
Tetë ditë para ceremonisë së hapjes së Olimpiadës dimërore, tre fshatrat olimpikë janë plotësisht gati. Dy strukturat Chaoyang dhe Yanqing ndodhen në kryeqytetin kinez dhe në total kanë 3.500 shtretër, kurse e treta, që ndodhet në Zhangjiakou, rreth 160 kilometra larg Pekinit, ka 2.800 shtretër.
Fshati Chaoyang është menduar për të pritur sportistët, të cilët garojnë në disiplina si patinazhi, kurling dhe hokej në akull, ndërsa ai i Yanqing për slitat dhe skitë alpine. Në fshatin e Zhangjiakou, 900 metra mbi nivelin e detit, do të qëndrojnë sportistët e biathlonit, snouboarder, specialistët e kërcimit dhe fristajlerat.
Në fillim të javës në Kinë kanë mbërritur delegacionet e para, një pjesë e përfaqësuesve të Zvicrës, Britanisë së Madhe, Kanadasë dhe Shteteve të Bashkuara të Amerikës. Më pas edhe sportistët finlandezë dhe australianë, përveç atyre kinezë.
Shqipëria përfaqësohet në Olimpiadën dimërore të Pekinit me vetëm një sportist, skiatorin Deni Xhepa.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje