.png)
Gazeta Si – Tajvani është “pjesë e Kinës dhe parimi ‘Një Kinë’ është themeli politik i marrëdhënieve kinezo-amerikane”.
Ministri i Mbrojtjes i Pekinit, Wei Fenghe, ia tha këto fjalë shefit të Pentagonit, Lloyd Austin në një takim në Singapor.
“Është e pamundur, – sqaroi ai, – të përdoret Tajvani për të kontrolluar Kinën”. Për më tepër, shton Pekini, “Kina nuk heziton të nisë një luftë nëse Tajvani shpall pavarësinë”.
Tensioni midis Pekinit dhe Uashingtonit për çështjen e Tajvanit po rritet më shumë.
Kina, tha ai, “nuk do të hezitojë të fillojë një luftë”, nëse Tajvani shpall pavarësinë. “Kjo u raportua nga Wu Qian, zëdhënës i Ministrisë së Mbrojtjes kineze, duke cituar ministrin e tij, Ëeu Fenghe gjatë takimit që pati me shefin e Pentagonit Lloyd Austin.
“Nëse dikush guxon të ndajë Tajvanin nga Kina, ushtria kineze nuk do të hezitojë të nisë një luftë me çdo kusht”, – shtoi Wu.
Pekini kërkon nga Shtetet e Bashkuara të revokojnë marrëveshjen e nënshkruar me Tajvanin për shitjen e 120 milionë dollarëve pjesë këmbimi dhe shërbime logjistike Marinës.
Sipas Ministrisë së Jashtme kineze, marrëveshja përbën “një shkelje serioze të “parimit “një Kinë” dhe të tre komunikatave të përbashkëta SHBA-Kinë”, siç theksoi zëdhënësi, Zhao Lijian në një konferencë për shtyp.
Sipas Zhaos, shitja e armëve në Tajvan, “kërcënon interesat e sigurisë” të Pekinit, dëmton marrëdhëniet midis SHBA-së dhe Kinës dhe vë në rrezik “paqen dhe stabilitetin në ngushticën e Tajvanit”.
Ndihma e SHBA-ve, vjen si përgjigje ndaj manovrave të fundit nga ushtria kineze në afërsi të ishullit.
Sipas raporteve të shtypit tajvanez, Agjencia e Bashkëpunimit për Sigurinë e Mbrojtjes së Shteteve të Bashkuara (DCSA), ka njoftuar Kongresin për shitjen e mundshme, e cila mund të ndodhë muajin e ardhshëm.
Ministria e Mbrojtjes së Tajvanit, ka shprehur “mirënjohje të sinqertë” për qeverinë amerikane për mbështetjen e saj, e cila do të ndihmojë në forcimin e aftësive të Tajvanit në përgjigje të presionit ushtarak nga Kina.
Përgjigjja nga SHBA-të ka ardhur menjëherë, duke i kërkuar Kinës që të përmbahet nga zbatimi i veprimeve të mëtejshme destabilizuese ndaj Tajvanit”.
Kështu deklaroi Sekretari Amerikan i Mbrojtjes, Lloyd Austin në takimin e parë të rreth një orë në Singapor me homologun kinez Ëei Fenghe,
Austin, në Twitter, kishte shkruar se kishte “takuar ministrin Wei. Diskutuam marrëdhëniet e mbrojtjes SHBA-Kinë, si dhe çështje të sigurisë globale dhe rajonale”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje