.png)
Edhe pse deri më tani, në zgjedhjet presidenciale amerikane kanë mbizotëruar kryesisht diskutimet në lidhje me pandeminë dhe politikën brendshme, senatorja Kamala Harris, kandidatja e Partisë Demokratike për zëvëndëspresidente dhe zëvëndëspresidenti aktual Mike Pence debaruar ashpër në përballjen e tyre të parë mbi politikën e jashtme.
Harris sulmoi ashpër qasjen e Presidentin Donald Trump ndaj Europës dhe Lindjes së Mesme dhe rolin e Amerikës në botë, duke thënë se kandidati demokrat Joe Biden për president është i përshtashëm si udhëheqës global. Harris theksoi se politika e jashtme “mund të tingëllojë e ndërlikuar”, por është thelbësore për Amerikën.
“Duhet ta mbajmë fjalën për miqtë tanë. Duhet të jeni besnikë ndaj miqve tanë. Njerëzit që kanë qëndruar me ne, duhet të qëndroni me ne”, tha Harris. “Donald Trump ka tradhtuar miqtë tanë dhe ka përqafuar diktatorët në të gjithë botën”, shtoi ajo.
Trump, tha ajo, preferon të dëgjojë fjalën e Vladimir Putin mbi komunitetin amerikan të inteligjencës.
Pence kundërshtoi duke thënë se administrata Trump ka “qëndruar e fortë, në krah të aleatëve”.
“Ne kemi forcuar aleancat tona … dhe qëndruam të fortë kundër atyre që do të na bënin dëm”, tha ai.
Trump, tha Pence, “lëshoi ushtrinë amerikane” dhe rrëzoi terroristin irakian Abu Bakr al-Bagdadi. Ai vuri në dukje familjen e aktivistes së vdekur të të drejtave të njeriut Kayla Mueller, e cila u mor rob në Siri në vitin 2013 nga ISIS. Të afërmit e saj po ndiqnin debatin si mysafirë të Pence.
“Kur Joe Biden ishte nënkryetar, kishte një mundësi për ta shpëtuar atë,” tha Pence. “Familja e saj thotë me zemrën që thyer se nëse Donald Trump do të kishte qenë president ajo do të ishte gjallë sot,” tha ai.
Pence mbrojti po ashtu menaxhimit e pandemisë së koronavirusit që ka shkaktuar vdekjen e mbi 210,000 amerikanëve, ndërsa rivalja e tij demokrate dënoi atë që e quajti “dështimin më të madh të një administrate presidenciale.
Ndërsa Presidenti Trump vazhdon të jetë i infektuar nga virusi në Uashington, senatorja Harris deklaroi se nuk do të merrte një vaksinë nëse presidenti republikan e miratonte atë pa mbështetjen e profesionistëve të mjekësisë.
Nënpresidenti Pence, i cili drejton grupin e posaçëm të punës për koronavirusin në Shtëpinë e Bardhë, e pranoi se “vendi ynë ka kaluar një periudhë shumë të vështirë këtë vit”.
Por ai shtoi se “Unë dua që populli amerikan ta dijë, se që nga dita e parë, ka vënë shëndetin e popullit amerikan në plan të parë”, duke premtuar miliona doza të një trajtimi ende të panjohur para fundit të vitit.
Ai gjithashtu dënoi mosbesimin e senatores Harris për vaksinat e mundshme për të cilat është mburrur presidenti: “Senatore, ju kërkoj që të mos bëni politikë me jetën e njerëzve”.
Që nga fillimi pari shkëmbime të nxehta, por në përgjithësi ishte një atmosferë shumë më e respektueshme sesa debati i parë presidencial para tetë ditësh.
Ndërsa në atë debat me ish-nënpresidentin Biden, presidenti Trump ishte më agresiv, duke ndërprerë dhe pothuajse duke bërtitur, zoti Pence shfaqi më shumë disiplinë.
Kandidatët debatuan në një auditor ku çdo të ftuari që refuzonte të mbante maskë do t’i kërkohej të largohej, një sfond i pazakontë për debatin e vetëm për kandidatët për nënpresident në vitin 2020.
Në thelb, debati paraqiste një shans për votuesit që të vendosnin nëse nënpresidenti Pence apo Senatorja Harris, do të ishin të përgatitur të merrnin kompetencat e presidencës përpara fundit të mandatit të ardhshëm. Dhe pyetja nuk është edhe aq teorike: Presidenti Donald Trump, 74 vjeç, po merr veten nga koronavirusi dhe 77-vjeçari Joe Biden nuk është infektuar por do të ishte presidenti më i vjetër ndonjëherë nëse zgjidhet.
Për këto arsye dhe të tjera, debati në Universitetin e Jutas në Salt Lake City, ishte ndoshta debati më i rëndësishëm për postin e nënpresidentit, prej dekadash. Dhe vjen në një moment pasigurie në veçanti për republikanët, me shqetësimin në rritje se pozitat e Presidentit Trump po dobësohen pasi pothuajse 20 zyrtarësh të lartë në Shtëpinë e Bardhë, Pentagon dhe brenda fushatës së tij janë infektuar me virusin ose në karantinë.
Duke pasur parasysh se sipas sondazheve, presidenti Trump dhe nënpresidenti Pence janë prapa, ata nuk kanë kohë për të humbur; Kanë mbetur më pak se katër javë deri në zgjedhje dhe miliona amerikanë tashmë po i hedhin votat.
Edhe Para se të fillonte të fliste, zonja Harris hyri në histori duke u bërë gruaja e parë afrikano-amerikane në një skenë debati për nënpresidente. Mbrëmja e së mërkurës i ofroi asaj një shans për të mobilizuar votuesit e mundshëm të cilët kanë treguar vetëm entuziazëm modest për Biden, një politikan me përvojë me një histori të përzier qëndrimesh ndaj races mbi dhe drejtësisë penale, veçanërisht në vitet e tij të hershme në Senat.
Zonja Harris, 55 vjeç, është vajza e një babai xhamaikian dhe një nëne Indiane. Ajo është gjithashtu një ish-prokurore, e cila është bërë një yll mes demokratëve, pjesërisht falë pyetjeve të mprehta ndaj kandidatëve të emëruar nga presidentiTrump për gjykata dhe poste të tjera.
Zoti Pence është një ish-guvernator 61-vjeçar nga Indiana dhe ish-drejtues radioje, një i krishterë evangjelist, i njohur për natyrën e tij popullore dhe besnikërinë e tij të palëkundur ndaj zotit Trump. Dhe ndërsa ai është mbrojtësi më i fortë public i presidentit Trump, nënpresidenti nuk ka të njëjtin ton të ashpër apo stilin e e padisiplinuar të presidentit.
Kandidatët gjithashtu u përplasën për taksat – më konkretisht, për refuzimin e Presidentit Trump për të bërë public informacioni për taskat që ai ka paguar, katër vjet pasi kishte premtuar vazhdimisht ta bëjë një gjë të tillë. Neë York Times raportoi muajin e kaluar se presidenti paguan shumë pak taksa mbi të ardhurat por ka qindra miliona dollarë borxh.
“Do të ishte vërtet mirë të dinim se kujt i detyrohet presidenti para,” tha Harris.
“Një gjë që dimë për (ish-nënpresidentin) Joe është se ai i nxjerr të gjitha informacionet hapur. Ai është i sinqertë, është i çiltër,” shtoi ajo. “Donald Trump, nga ana tjetër, mbulon gjithçka”.
Zot Pence e mbrojti Presidentin Trump për hapjen e vendeve të punës, i cili ka paguar një sasi të madhe taksash dhe e zhvendosi temën tek zoti Biden: “Që ditën e parë, Joe Biden do të rrisë taksat tuaja”.
Ndërsa debati përfshinte një sërë temash, virusi ishte në plan të parë.
Presidenti Trump bëri publike një video vetëm tre orë para debatit duke e quajtur diagnozën e tij “një bekim i fshehur ” sepse sipas tij ajo hodhi dritë mbi një kombinim eksperimental antitrupash të cilit ai i atribuoi meritën për përmirësimin e gjendjes së tij – megjithëse as ai dhe as mjekët e tij nuk mund ta dinë nëse ilaçi pati atë efekt.
Zoti Pence është kreu i grupit të punës së presidentit për koronavirusin, i cili nuk ka arritur të zbatojë një strategji gjithëpërfshirëse kombëtare, në një kohë kur vetë presidenti Trump është infektuar nga virusi dhe numri i të vdekurve në shkallë vendi ka kapërcyer shifrën 210,000 dhe vazhdon të rritet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje