.png)
Një sezon i keq u ndodh të gjithëve, edhe më të mirëve, edhe Pep Guardiolës, i cili te Barcelona, Bajern Mynih dhe Mançetser Siti ka treguar se di të fitojë kudo, duke ndryshuar madje edhe mënyrën e të kuptuarit të futbollit për skuadrat që ai drejton.
Këtë sezon “qytetarët” po vuajnë në Premier Ligë, ku kanë humbur disa raste të rëndësishme për të fituar terren në renditje, siç ishte edhe barazimi me Uest Bromuiç Albion, që qëndron në fundin e tabelës. Dhe Guardiola e ka përjetuar keq këtë barazim, duke bërë një figurë qesharake në fundin e ndeshjes, kur arbitri i 4-t po tregonte kohën shtesë.
Trajnerit spanjoll nuk i mjaftonte koha shtesë që arbitri kishte vendosur dhe i kërkoi arbitrit të 4-të që t’ia thoshte atij kryesor. Një diskutim shumë i ashpër, siç raporton “Sun”, me Guardiloën që i shpjegoi mendimin e tij arbitrit të katërt dhe më pas gati e detyroi me forcë që të shtonte më shumë se 4 minutat që ishin vendosur, duke i bllokuar edhe tabelën elektronike.
Një sjellje që nuk shihet çdo ditë dhe që duhet të ketë pasoja. Në fund, Tejlor sinjalizoi 4 minutat e parashikuara, por reagimet nuk munguan. “Daily Mail” ka nënvizuar faktin se në raste të tilla Guardiolës i falet, kurse trajnerëve të tjerë jo. “Për një gjë të tillë Mourinjo do të ishte skualifikuar përjetë”, – shkruan gazeta angleze.
Tani mbetet të mësohet çfarë vendimi do të marrë gjykatësi sportiv, por pamjet flasin qartë për një Guardiola që bota e futbollit nuk është mësuar ta shohë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje