.png)
Gazeta Si – Për herë të parë Shqipërinë do ta vizitojë një president i Republikës Federale të Gjermanisë. Presidenti federal, Frank-Walter Steinmeier, do të udhëtojë nga data 29 nëntor deri më 2 dhjetor drejt Maqedonisë së Veriut dhe Shqipërisë.
Sipas presidencës gjermane, Steinmeier do të qëndrojë në Shqipëri më 1 dhe 2 dhjetor. “Kjo është hera e parë në 27 vjet, që një president gjerman viziton Republikën e Shqipërisë.
Presidenti federal Steinmeier ka pasur mundësinë të njihej me Tiranën dhe të zhvillonte bisedime në detyrën e tij të mëparshme si Ministër i Jashtëm”, – thuhet në njoftimin për median.
Presidenca gjermane njofton se pas bisedimeve politike me presidentin Begaj dhe kryeministrin Rama, ndër të tjera, presidenti federal do të mbajë një fjalim para parlamentit në Tiranë.
Gjithashtu, është planifikuar një vizitë në Muzeun e Sigurimit “Shtëpia e Gjetheve”, një diskutim se si të përballemi me të kaluarën komuniste dhe një bisedë me nxënës nga gjashtë vendet e Ballkanit Perëndimor. Në Berat, Presidenti federal do të marrë përshtypjen e bashkëpunimit gjermano-shqiptar për zhvillim.
Fokusi i udhëtimit është situata në rajon, efektet e luftës së agresionit rus në Ukrainë dhe mbështetja e vazhdueshme e Gjermanisë për perspektivat e vendit për t’u anëtarësuar në Bashkimin Europian.
Udhëtimi shihet si një sinjal i mëtejshëm se Gjermania po mbështet dhe ndjek intensivisht rrugën europiane të rajonit në tërësi dhe të Shqipërisë në veçanti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje