.png)
Dan Friedkin ia ka vënë syrin Romës. Sipërmarrësi i njohur amerikan është i interesuar për të blerë klubin italian nga Xhejms Palota dhe në vazhdim bashkëpunëtorët e tij do të marrin informacion të plotë në lidhje me detajet e një marrëveshjeje të mundshme.
Kolosi amerikan mund ta blejë Romën, ose fillimisht mund të hyjë në klub si investitor, pa pasur të drejtën e vendimmarrjes, sipas asaj që shkruan “Corriere dello Sport”. Dan Friedkin, 54 vjeç, bashkë me të atin Thomas, i ndarë nga jeta në 2017-ën, e ka ngritur fatin e tij mbi tregtinë e makinave. Dan është kreu i “The Friedkin Group”, që prej dy vjetësh “Forbes” e vlerëson pasurinë e tij në 4.1 miliardë euro. Një “mal” me euro, falë ekskluzivitetit si distributor i “Toyota”-s në pesë shtete amerikane (Texas, Arkansas, Louisiana, Mississipi e Oklahoma). Në total kompania ka 154 konçesionarë. Bëhet fjalë për një grup prej 12 kompanish, që merren edhe me biznesin e udhëtimeve luksoze dhe me kinemanë.
Dan ka trashëguar nga babai dhe gjyshi pasionin për aeronautikën. Në vitin 2017 provoi të blinte Houston Rockets në basketbollin amerikan, por këtë gjë e bëri më parë Tilman Fertita. Tani Dan Friedkin i ka hedhur sytë te futbolli dhe konkretisht në Itali, ku kërkon të blejë një nga klubet më të njohur. Roma aktualisht është pronë e biznesmenit italo-amerikan Xhejms Palota, i cili pret të mësojë ofertën e Friedkin. Pasuria e këtij të fundit i bën romanistët të ëndërrojnë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje