.png)
Gazeta Si – Rreth 50,000 njerëz, sipas burimeve policore të cituara nga gazeta vendase “Le Soir”, dolën në rrugë në Bruksel për të protestuar kundër kufizimeve shëndetësore për pandemisë Covid 19.
Mediat raportojnë se pati përplasje të dhunshme mes demonstruesve dhe policisë, në sfondin e selisë kryesore të organizatave të Bashkimit Evropian.
Disa protestues hodhën objekte ndaj oficerëve, të cilët u përgjigjën me ujë dhe gaz lotsjellës, ndërsa disa automjete dhe ndërtesa janë dëmtuar.
Një element risie i destinuar të shqetësojë policinë në vende të ndryshme evropiane, është fakti se nuk kishte vetëm “no vax” nga Belgjika, por edhe nga Franca, Gjermania dhe Portugalia. Flamujt holandezë, polak apo rumunë ishin gjithashtu të dukshëm në demonstratë. Protesta të ngjashme u mbajtën edhe të dielën në Barcelonë.
Disa protestues goditën gjithashtu gazetarët e “Associated Press”, duke i rrahur, kërcënuar dhe dëmtuar pajisjet e tyre video.
Pak nga ata që nuk qëndronin në shesh – si në Bruksel ashtu edhe në Barcelonë – mbanin maska (të cilat janë të detyrueshme, jashtë në Spanjë).
Prej disa javësh, në kryeqytetin belg ka pasur protesta kundër lejes së gjelbër, e cila është e nevojshme për të hyrë në restorante dhe ngjarje kulturore në veçanti.
Organizatorët, duke përfshirë lëvizjen në mbarë botën për Lirinë dhe Evropianët e Bashkuar për Lirinë, kanë ftuar protestuesit nga vendet e tjera evropiane të marrin pjesë në protesta të tilla.
Ngjarja vjen në një kohë kur infeksionet që vijnë nga varianti “Omicron” janë në rënie në disa vende të Evropës Perëndimore.
Varianti i ri – i cili duket se, për momentin, shkakton simptoma më pak të rënda – tani është mbizotërues në Bashkimin Evropian. Belgjika, ka parë një rritje të rasteve ditore prej më shumë se 60,000 javën e kaluar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje